الريس عمرو دياب وجامعة المستقبل 2010 - شعار عمرو دياب جديد في جديد || والهضبة حاجة تانية || مفيش منه اتنين

دياب الخالي من المتجدد التصنع والتجمل يقدر يخلي الوقت وقته - دايما عارف ترمومتر الفترة قادر يجس حالة جمهوره هو عايز ايه - حفلة المستقبل كانت دليل أن دياب متعاطي لاكسير الشباب معاه مفاتيحه وسره - حيويته وشبابه خلت جمهوره يجري لما يسمع كلمه حفلة او تواجده فــ أى مكان - أيوا بنحبك ياعمرو - يمكن بنسمع تقريبا نفس الاغاني نفس الريتم - بس وجودك قدامنا بقا كفاية تاريخك شافعلك كتير عندنا نفسنا كان الوقت ما يخلص من التفاعل اللي عشناه أنصهار غير عادي بينا وبينك -
مش حفلة لمطرب يمكن مظاهرة - بتيجي عليا لحظة بركز في وشوش الناس الي بتتفرج عليك تلاقي الكل مركز في حالة فرح تنطيط أنبساط - وأضحك وأقول عمرو دياب مش ممكن ازاى قادر يعمل في الناس دي كده كله باصلله بصة مطرب كبير - بصة تاريخ مفيش زيه أتنين - بيعمل اللي هو عايزه

الريس عمرو دياب وجامعة المستقبل 2010 - شعار عمرو دياب جديد في جديد || والهضبة حاجة تانية || مفيش منه اتنين Main

الفتـــــوة بينقسم الي رأيين رأى ناس بتخاف منه عشان محدش يقدر يكسبه - وناس بتخاف منه عشان بتحترمه وعارفة قيمته كويس !! - ببساطة هو ده عمرو دياب مع الاغنية وكل اللي حواليه محدش زيه - هو اللي طلع من الفانوس السحرى من 27 سنة طلع علشان ينجح يبهر يعمل اللي محدش قدر يعمله - خاف وحاسب من واحد عايز يبقا نجم حلمه عايز يحققه حاسب منه جدا ما تقفش في طريقه لانه حيدوسك ويكمل مش حيقف عند نقدك عند هجومك أنسا الكلام ده كله وأقف وأتفرج زيك زي أى حد عليه وهو أكسبريس محدش قادر يحصله أو حتا يشاروله عشان ياخد باله منه

هو زناتي خليفة جيله عمدة المطربين محدش لسه مش عارف ايه السر محدش عارف ايه اخرتها معاه لسه مكمل لسه بينجح لسه مبيعاته هيا الاصل - لسه الناس بتحبه ويمكن أكتر - تسعة وأربعين سنة وشباب عني وعنك - اللي حصل الجمعة 10 ديسمبر هوبورتريه جميل بجانب بورتريهات جميلة كتير بيقدمها دياب في الحفلات المستقبل 2010 وشعار دياب هو الاصل أحسن مطرب في مصر - 10 ديسمبر ان شاء الله 2011 لاازم تتفرج علي القناة التانية المصرية حيقولك حدث في مثل هذا اليوم ان عمرو دياب أحيا حفل في جامعة المستقبل وتحدث عنها الالاف وصداها موحود مداه لحد الان .

دياب عمل ملحمة جديدة في حبه كله أستاند باى كله عايز يعرف طريق الدعوات !! أشتريها منين أصل ده دياب ياعم !! يعني حفلتين في السنة يعني لاازم تحضر الجو برد الجو أعاصير حجيلك يعني حجيلك ياعمرو يادياب - ده لسان حال الناس رافعين شعار - الجمعة 10 - 11 أحنا رايحين حفلة الهضبة - الناس تستنا بتتكلم ياترى دياب حيغني حاجه من الالبوم الجديد ياترى لابس ايه حيطلع أمتا - الراجل ده محبوب والله العظيم مش ممكن عمرى ما شفت كده فــ حياتي

الريس عمرو دياب وجامعة المستقبل 2010 - شعار عمرو دياب جديد في جديد || والهضبة حاجة تانية || مفيش منه اتنين 1-2

الحفلة أبتدت والبنزين عند الناس تقريبا خلص من التفاعل مع فينديتا - عمرو طلع من هنا والناس فولت علي تسعين النفس أشتغل واللي مش قادر حط نفس صناعي مهو مينفعش ده دياب ياسيدي يعني تنطيط تنطيط لو عملتو فيا ايه !! عمرو كمان خد الناس علي مشمهم بدري لسكة التنطيط أبتداها ب أصلها بتفرق مع لوك شبه أسطورى يعني يتصور كده ويترسم ومن أيد بيكاسو ولا دافنشي وعل اللوفر علطول جنب الموناليزا كده ! ما شاء الله مفيش بعد كده

وتلاقي الحفلة واخداك لقمرين وانا عايش ونندم - وتيجي لحكاية من حكايات أغاني عمرو دياب اللي عايزة ثريد لوحده حكاية ما تعرفش بتعمل ايه في الناس كل اغاني عمرو السريعة في كفة ودى في كفة تانية خالص - حسن الشافعي أتميز بيها وعلمت مع الناس وبقت الشعار أنك تولع بيها مكان الحفل وتشعل حماس في قلوب الالاف والارض تصاب بشبه زلزال من التنطيط الدايم بسببها ببساطة - عيني وانا شايفه

الناس بتروح الحفلة من ضمن أوبشن اننا رايح اني مجهز نفسي أن أسمع عيني وانا شايفه مود تاني - لاحظو عمرو وهو بينط ف الغنوة بيبص للناس وبيضحك !! فرحان أيوا مبسوط أيوا من الاغنيه بس ياعابدين !! أقولك لآ تفاعل الناس قدامه بهره مفرحه بيقول معقول الناس دي كلها مش عل الارض ف يبتدي عمرو يجيله زي هيستريا فرح وده الانصهار اللي بقول عليه ! أن الجمهور وعمرو واصلين لدرجه محدش ف الدنيا وصلها زي نقول ايه كده - الكل فرحان مبسوط بيقضي وقت ممتع مع مطرب شبابه وجيله وجيل جيله كمان !! يعني عمرو دياب

حفلة المستقبل 2010 كانت زي الباب اللي أتفتح منه كام سم وشفنا منه متقلات من الالبوم الجديد - عارف حبيبي كانت بتقول يابهاء الدين ياأيمن قمر بتقول أستنوني يهمك ف ايه مش حتبقا لوحدها عشان تفتكروها لآ انا حاجي وحنافسها كمان - كلام كبير جديد فكرة ممتعة - وده اللي خلي الحفلة بقا ليها طعم جديد - وألومك ليه كانت ناقوس أن الالبوم حيكون في أكتر من غنوة حزينه ويارب ده يحصل محتاجين جرعات ياعمرو من صوتك بالحزن ده بالكلام ده وبالاداء ده

وقبل ما أقفل الثريد - بجد بجد لافتة عمرو دياب الغير عادية كانت بمثابة انك تقفل الباب بالضبة والمفتاح ان عمرو دياب هضبة في كله زيارته للمصابين من حفل المستقبل في معهد ناصر - المصابين كان هاين عليهم يقومو يجرو من الفرحة الناس يتضحك ومبسوطة نسيت اللي هيا فيه نسيت اللي حصل مركزين ف الراجل اللي بيحبوه بقالهم سنين واقف قدامهم بيسلم عليهم بيكلم معاهم !! - لهفته علي جمهوره هيا اللي جابته - قلت وبقول جمهور عمرو وعمرو حب أسرى لما عمرو يعمل حاجه تلاقينا زعلانين لو هيا تزعل ناكل ف نفسنا ! نقول هو عمل كده ليه ده المفروض يعمل كده كل ده بسبب حبنا ليه لانه مش عادي بالنسبة لنا هو رمز كبير كبرنا معاه وفرحنا وزعلنا وياه - تحس الريس كان داخل معهد ناصر ! وفعلا عمرو ريس ف حتته ريس في مجاله ريس في شغله - بجد ياعمرو انت سوبر ستار

وأخيرا

أقفل نقاش ان حد حيحل محله ان حد حياخد اللي شافه دياب من جمهور ومن حب - أفتخر ياديابي أنت وهوا أنت سميع عمرو دياب - فعلا بتسمع أغاني يعني عمرو دياب راجل لاازم تقدره لاازم تتكلم عن تاريخه من غير ما تكسف راجل بيغني ف حفلاته ميال لحد عيني وانا شايفه مفيش حاجه في تاريخه ينكسف منها أو يقول ياريتني ما عملتها !! - دياب أحنا بنحبك كلك علي بعضك - ربنا يديك الصحة ويزيدك نجاح وحب الناس اللي شفته يوم الجمعة بيقول ان حب الناس ليك بلا حدود ياعمرو لاازم فعلا تسهر ووتعب ليل ونهار عشانهم جمهور ممكن ياكل أى حد لو أتكلم عليك بشكل لا يليق - وصلت الناس معاك لدرجه محدش متخيلها من الحب وانهم يسمعوك أنت وبس - دياب هو الاصل مفيش مطرب زيه في مصر

cheers

الريس عمرو دياب وجامعة المستقبل 2010 - شعار عمرو دياب جديد في جديد || والهضبة حاجة تانية || مفيش منه اتنين 154217_490803084576_42020009576_5466833_4392898_n

الريس عمرو دياب وجامعة المستقبل 2010 - شعار عمرو دياب جديد في جديد || والهضبة حاجة تانية || مفيش منه اتنين 150594_490802994576_42020009576_5466830_7099144_n

الريس عمرو دياب وجامعة المستقبل 2010 - شعار عمرو دياب جديد في جديد || والهضبة حاجة تانية || مفيش منه اتنين 65813_490807689576_42020009576_5466874_6121021_n

تسلم ايدك

جميل اوووووووووى

» اعلان حفل جامعة المستقبل 2010 للهضبة عمرو دياب ؟؟؟ وابتدينا التغطية
» اول صور حفلة عمرو دياب مارينا 2010
» اغنيتين عمرو دياب - فاهم حاجة و حلها بقى Live Q 320
» حصريا 3 اغاني جداد عمرو دياب ليف من حفله المستقبل Live Q 128Kpbs
» سيمبل اغنية عيد ميلاد عمرو دياب ( استرجل واسمع عمرو دياب)