خالينا نعبر عن رجالة مصر بالكلمات
رجالة وطول عمر ولادك يا بلدنا رجالة
وغلاوتك يا بلدنا والله مش محتاجة قوالة
دة النيل الاسمراني فاردعالشطين قناديله
والمصري سكته محروسة بقرآنه وإنجيله
من صوت التاريخ يا مصر.. تقدر تعرف ذاتك
وهبت للدنيا دنيا جديدة من نبض حياتك
وقت ما كان لسة العالم بيعيش تايه في الغابة
مصر كانت دولة ولها راية فوق أعلى سحابة
سحابه وندهت للشمس قومى طلي ع الوادى
شوفي مصر الفراعنة في وادي والعالـم في وادي
دة المصري في الوادى الأخضر كان سابق زمانه
يتمشى في مزارع قمحـه و جنايـن رمانـه
زادك في القرية نشاك يا مصري في وسط عيلة
والأرض الطيبة فرشتها وسمـاهـا ضليـلة
بتصادفك يا مصـرى شدايد لياليـها طويلة
بتهزمها بخطوتك الجاية م الأرض الأصيـلة
وأصيلة يا خطاوى ولادنا وتسلم الخطاوي
يا جاية من كفر بهية ام الطرحة محــلاوي
و بهية ياما جدى حكالنا عنها انا واخواتى
ياما خبزت وقالت له علم صبيـانى وبناتى
بشراكـي يا أرض بلـدنـا المواكب حواليكي
سمعـوكـي وقالولك جينا نبـني ونزرع فيـكي
والشعب اللى امبارح جاب النصر في أعظم صورة
بالعلم وبالحب أهو جالك بالخطوة المنـصـورة
ومنصـورة دايما يا بلــدنا والبركة في شبابك
وطريقهم عرفـوه ومنور بسـم الله على بابـك
يا ماشا الله يا جدعان يا ماشالله و يا خمسة وخميسة
دى العيلة بتستنى شبابها يزوقوا العروســـة
صوت بلادي بلادي بلادي
بيدوي عبر الأجيال
صوت حضارة من يومها جبارة
ياما صنعت أبطال ورجال
صوت شعب ماشي آلاف السنين
كل خطوة منه كفاح ملايين
أمجاده كتبها بحياته
ومصر حياتها خطى المخلصين
عيش حياتك .. بس ابحث عن ذاتك
يا مصري وشوف عمرها كام
شوف وجودك من خطوة جدودك
شارة عزم وخير وسلام
(...مـن التـراث المصـري ...)
__________________
من صوت التاريخ يا مصري تقدر تعرف ذاتك
وهبت للدنيا دنيا جديده من نبض حياتك
وقت ما كان لسه العالم بيعيش تايه في الغابه
مصر كانت دوله ولها رايه فوق أعلى سحابه