هم كده الرجاله

هم كده الرجاله
..
..
..
..
..
..
..

...• يتجوز واحده عقليه و مثقفه .. يقولها العلم عمره ما كان مهم للبنت.. اهم حاجه انها تكون ست بيت .. !!

• يتجوز واحده ست بيت .. يقولها خليكي انتي بس في الطبيخ بتاعك ياختى.. !!

• اشتغلتي .. يقولك مش مشكلتي انك بتشتغلي محدش طلب منك ..

أنا اللي اعرفه اني جاي من بره تعبان وعايز كل حاجه تكون جاهزه

• قعدتيله في البيت .. هيجي من بره يقولك .. انا طول النهار طالع عيني ..

وانتي قاعده هنا في التكييف .. هتحسي بيا ازاااااااي يعنى حضرتك ؟؟!!

• اهتميتي بيه وأخدتي بالك منه .. يقول دي خانقاني ومش عارف اخد راحتي منها .. !!

• سبتيه علي راحته .. يقول مبقتش بتهتم بيا وهاملاني وهو انا متجوز عشان محدش

يعبرني ؟؟ !!

• اتدلعتي عليه واهتميتي بنفسك .. يعتبرك فاضيه ومش حاسه بالدنيا

وبالعيشه ولا حاسه أنه طالع عينه طول النهار ..!!

• تقلتي وكبرتي دماغك .. يقولك ده أنا متجوز واحد صحبي ..!!

• يفضل كل أما يشوفك يقولك انتي مش ملاحظه انك تخنتي أوي

• وهو أصلا قميصه مبيتقفلش من الكرش اللي عنده

• لبستي لبس عادي في البيت .. يبص للستات اللي لابسين سواريهات

في بيوتهم " ويقولك شايفه الستات عامله ايه لأجوازها ..!!

• قلتي خلاص هرضيه ولبستيله سواريه .. يقولك ايه اللي انتي عاملاه ده ..

هي بعزقة فلوس وخلاص ..؟؟!!

• يجي يحكي عن زميلته اللي متألقه أخر حاجه وبتلبس علي سنجة عشره ..!!

• تلبسي كده وتيجي خارجه .. يقولك ايه ده انتى هتخرجى كده لا معنديش ستات تخرج كده بره البيت ..!!

• يقولك .. هو انتي نفس الشكل كل يوم من ساعة ما اتجوزنا .. مبتحاوليش تغيري من نفسك أبداا ؟؟!!

• يحطك في مقارنه مع كل الممثلات والمطربات .. ويقولك شايفه الستات عامله ازاي ؟؟!!
..
.
• ويزعل أوي ويتحمق لو بالصدفه جبتي سيرة مهند ..!!.

يلا هنقول ايه

ياستر على الرجاله
مش بيعجبه العجب