يا ريت كل الناس تدخل الموضوع ده .. عادل .. ملكه الجروح والاحزان..شوشو .. مينا .. عماد .. حسام .. ابانوب .. كل الاعضاء بدون استثناء اى حد فى المنتدى

انا بكتب الموضوع ده وانا فى حاله وحشه جدا لانى ساعتها كنت متضايق جدا من حاجه فى البيت واكيد طبعا مشاكل

انا هقول كلمتين ومش هكتر ولا هرخم عليكم
اولا عادل
اسف يا عادل لو كنت قليت ادبى على اى حد مهما كانت مكانته فى المنتدى سوا كان عضو او مشرف او مدير
وصدقنى والله مش هدخل المنتدى تانى لانى مش بحب اكون فى مكان مش محبوب فيه

ثانيا اختى حنين
بقول لكى اسف انى غلست عليكى قبل كده
واقول لكى الصراحه انا عمرى ما كدبت ولا جاملت حد فى حياتى وده عيب فيا علشان اللى فى قلبى على لسانى وكتير بيزعل منى جدا علشان الحته دى

وبكل صراحه ووضوح بالنسبه للمواضيع بتاعة النكت انا فعلا مش كنت بكدب عليكى انها قديمه ولا حاجه لانى فعلا قراتها وانا مشفتش اى نكت ممكن تضحكنى فى المنتدى كله
واسف تانى

ثالثا مينا
انا باعتذر لك يا مينا لو كنت رديت على اى موضوع بتاعك باسلوب غير كويس
ولو كنت ضايقتك قبل كده وانا ناسى

رابعا اخويا عماد
اوعدك يا عماد انك مش هتشوف اى اسم من اسماء العضويات بتاعتى فى المنتدى هنا تانى ابدا

خامسا شوشو
دى بقى اللى مش عارف اقول لها ايه بصراحه لانى اول معرفتى بيها دخلت فيها شمال خالص
وبقول لها انا اسف لو غلطت فيكى يا شوشو

سادسا بقى نفسى
دى بقى اكتر حاجه انا ظالمها معايا فى حياتى كلها بجد فعلا انا بتاسف لها كل الاسف على اللى عملته معاها فى دنيتى
فشلت فى الدراسه
فشلت حتى فى الحب اللى كنت بدور عليه
فشلت انى اصاحب ناس كويسه زيكم وللاسف من اول جوله خسرتهم
فشلت فى حاجات كتيييييييير اوووووووووى بس للاسف احتفظ بيها لنفسى

وللمره الاخيره يا جماعه انا بقدم اعتذارى لكل الناس اللى فى المنتدى وكمان الاخ اللى غلطت فيه اللى اسمه ريمو اللى غلطت فيه فى غرفة الدردشه

شكرا ليكم يا احلى اعضاء

حاجه جميله جدا يا محمود لما الواحد يحس انه غلط فى حد انه يعتذر وانه مايكابرش ويعترف وانت عملت كده يعنى انت من جواك كويس بس اهى فتره وعدت واحنا والله بنحبك جدا وبالعكس لما بغيب عننا بنسال عنك وياريت تفضل منورنا ونبدا صفحه جديده مع بعض

عادى يا محمود نبدا من الاول بس خليك حلو فى الرد انت المفروض بتشجهم مش بتسيهم و عن نفسى انا مسمحك عادى

اولا يامحمود اعتزارك مقبول
ثانيا لو هترجع محمود اللى عرفته الاول هتلاقى ترحيب خاص من الزعيم
واوعدك لما ترجع زى الاول فى حاجات حلوه ليك هدية من الزعيم

انا للاسف غيبت كتير عن المنتدى بس كويس انى لما رجعت لفيت محمود بيصلح اخطاءه واللى فرحنى اكتر انكم سامحتوه

وياريت وده طلب منى

مش تسيب المنتدى علشان الكل بيحبك ويحترمك وكمان مش ينفع تسيبهم بعد اللى قالوه ولا ايه

يارب تنفذ طلبى

موضوع: اخويا محمود الإثنين أكتوبر 04, 2010 11:44 pm

رابعا اخويا عماد
اوعدك يا عماد انك مش هتشوف اى اسم من اسماء العضويات بتاعتى فى المنتدى هنا تانى ابدا
Embarassed

اولا محمود انت اخويا وانت اكتر واحد عارف معزتك عندى قد ايه
ثانيا يامحمود انا لما اتكلمت معاك فى الموضوع دع مش طلبت منك مش تدخل المنتدى
انا طلبت منك ترجع محمود الا انا اعرفه اكتر واحد موجود فى المنتدى اعرفك من 15 سنه
عنى فهمك كويس وكنت عارف ان كل الا انت بتعمله ده زى ماتكون بتفك عن نفسك بس مش كان ينفع نضايق الاخرين الا هما اصدقائنا بردك ياحونش
وانا من هنا بطلب منك اذا انا كنت اتكلمت معاك بصورة مش الا هى فى الموضوع ده فده لانى كنت بضايق لما اشوف الناس بتقول ان بترخم عليهم وانك مش كويس فكنت بضايق لانك اصلا مش كده والحمد لله الايام اثبتت للناس كلها كده انك شاب كويس واخ وصديق لينا كلنا
وان اخلاقك محترمه جدا بدليل الاعتزار ده لانك لو مش محترم مش كنت اعتزرت ياحزنش
وانا فخور جدا انك صديق وهفضل طول عمرى افتخر انى صديقك

وبطلب منك يامحمود انك ترجع المنتدى تاااااااااااااااااااانى وتنورنا بمواضيعك الجميله دائما
ولى معك لقء وجها لوجه ياصديق عمرى

احب اشكر الناس النحترمه اللى دخلت وطلبت منى الرجوع انا مش كنت ناوى انى ادخل فعلا المنتدى تانى بس عماد قال لى ادخل وشوف الردود ورد عليهم ومش ينفع تسيبهم كده
وانا اهو برد عليكم واشكركم جميعا
حسام
وعادل
ومينا
ووزه اختى الغاليه
وعماد اخويا مش صاحبى

وانا ان شاء الله معاكم اهو وانتظروا منى كل جديد
ويا رب مواضيعى تعجبكم

ان شاء الله مواضيعك ياحونش تعجبنا وترجع تانى سلطان زمانك

المهم انك مش تغلط تانى واعتذارك مقبول وميكونش فى زعل تانى ومتعنا بمواضيع حلوه