أبيك تفهم شي واحد..
وترتاح
أنا فؤادي..
ما يعرف الخيانة
أنا ..عشقتك صدق..
ماني بمّزاح
لا قلت احبك..
حب.. يجهر بيانه
تبعد..
وتدري خنجر الشوق..
ذبّاح
وأهم شي ..
انك تصون الأمانة
لا تقطع المشتاق...
من عطر
فّواح
صوتك ..
وهمسك..والغلا..
زعفرانه
ترى الوفاء طبعي
مثل برق لا لاح
يمطر عشق سيله..
ويغرق حنانه
أنا رسمتك ..
في مزاهير الألواح
بدرٌ تعلى فوق..
مرفوع شانه
ياللي جبينك في أظلم الليل ..
وضّاح
ممزوج طبعك ..
بالحلاء..والميانة
حبك بقلبي خالد(ن)..
ما بعد راح
مزروع في قلبٍ ..
عسير عنانه
يحتاج في وقته مع الهم..
جّراح
ينزع شرايين الحزن..
من كيانه
وجه السعادة
عن سما ارضنا
شاح
لا صرت غايب..
ماللأفراح خانه