ابنسحب بهدوء من حياتك ....
ما عاد لي مكان في دنياك ....
كنت دخيله فيها وبالغلط ...
صدفه جابتني ويا كثر الصدف..
فجأه حسيت اني صرت الغريبه والبعيده
فجأه اختفى الاحساس والنبض ...
توقف القلب عن دقات الحب ..
توقف الاحساس عند كلمة ابتعد ..
كلمة حبيت اصدم حالي ابها ..
قبل ما انصدم من صد اللي احب ...
ابرحل بسكات..لحالي من دنياك ..
واعيش لحالي واعتكف ...
وامني نفسي بالذكرى اللي مضت ....
نعم حيل حبيتك وراح اظل ...
بس كل خوفي من غدر الزمان والدهر..
واجرح كيان انسان في قلبي سكن ..
خوفي من كلمة ملل من شفاهك تنفجر..
خوفي ما اقدر اعطي بعد وبعد...
وينضب العين وينتهي ويجف ..
خوفي عقب ما صرت اكتاب ..
حفظتني عن ظهر قلب ..
تركني على الرف مع باقي الكتب..
خوفي يجي يوم .. وتمزع صفحات الكتب ..
تمزعني صفحه ورا صفحه بدافع الملل ..
خوفي اصير ورده في مزهريه ..
واذبل وافقد العطر..
والمصير في السله اصير
وافقد الشذى والعبير وسحر الزهر..
وافقد رعايتك واهتمامك..
وابقى انا مجرد ذكرى في يوم...
وتاريخ على الورق ينكتب ..
خوفي من سؤال يجي على لسانك
ابي بعد ........!
ابنسحب ..قبل ما يجي يوم الندم ...
ولا فات الفوت .. ما ينفع الصوت ...
ابنسحب ..بهدوء .. دون ما تحس ..
واوعدك اني اظل احبك ..
واوفي بالعهد واترك لك القلب كله ..
ترد وقت انت ما تحب ..
اوعدك اني اظل الرفيقه الوفيه للابد ..
في حزات ضيقك وحزنك قبل سعدك وفرحك...
