ما تغيَّر شي .. لكن .. صار فاضي هـ المكـان
يعني إنتَ شفت قلبي طحت مِنْ عيني وعينـه
كان لك قلبي مدينه ولاحظ إني قلت : كان
يعني إنتَ الحين واحد خارج حدود المدينه
ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه
ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه
والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟
جرحي ما يرضيه قلبك لو يجـي كلِّـه حنـان
لو تبوس الجرح فيني ولـو تقبلهـا إيدينـه
يُوم أحبك قلت كلمه : يكرَم المرء أو يُهان
وإنتَ قلبي ما كرمته وما قدرت إنِّـك تهينـه
عزِّتي .. ما هي جديدهـ آنا شامخ من زمان
إغسل إيدك من رجوعي وروح يا إبن اللذينه
طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بـ فراقـك يعينـك
تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه
كنت تخطي وكنت أسامح مرَّهـ مرتين وثمـان
أدمح الزله عشانك وأكتـم أنفـاس الغبينـه
كنت أحبك وكنت أعزك والغلا فينـي جبـان
خاف تزعل لو ألومك ضعت ما بينـك وبينـه
في عيون الناس عادي بس في عيني جنـان
وكان قلبي من يشوفك تفضحه نظـرهـ حنينـه
ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه
الفشل .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه
وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه
جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه
قلت لك [ قلبي مدينهـ ] فيها لك حشمه وشـان
لكن إنتَ الحين أغرب شخص في هذي المدينــه ..
*********************************************
أنا حبيب فوق الحب ولما اشتقت كنت الشوق
ولماجيت أبنسى الحب عفت الكون من دونك
أحبك كثرغلطاتك كثر مالك علي حقوق
وأنامن حقي أحلم بك وأعيش بداخل عيونك
تمادي كثرماودك بكل غلطه أحسك ذوق
أحسك تبتعد عني وغلطاتك يجيبونك
أنالي خافق عاشق وكان إحساسك المعشوق
لقيت إن كل أحاسيسي بكل حاله يحبونك
أناألبس من غلا قلبك ومن شوقك سوار وطوق
واسطرلك بيوت الشعر وأقول بخط مجنونك.
أحبك كثرماتبعد وكل مره أحسك فوق
ولو حتى نجوم الليل عندي مايطولونك
بقلبي لك مواعيد وظروف وسالفه وشروق
يخون القلب نبضاته وانا والله ما أخونك
***************************************
أزعل على كل البشر إلا أنت ماأزعل عليك..
حتى لو منك الخطا ما أنسى جمايلك..
اموت من دونك وإذا شفتك اروح اموت فيك..
لكن طبعك قاااسي وبالقطيعة شف فعايلك..
من وين مارحت يالغالي مالك بقلبي شريك..
لكن ألطف بحال محبك تلفوني ماصاريستقبل رسايلك؟!
ياليت ربي في غرامي لك لو دقيقة يبتليك..
واعلمك كيف القسا وأفعل مثل فعايلك..
وأسهرك واتعبك وأعذبك ولا راح أخليك..
بقولك طبق الأصل عمايلي عمايلك..
لا تعتذر وتقول لي مبطي وأنا ادور عليك..
تلقى رقم موبايلي موجود في موبايلك..
ارفع تلفونك ودق وقول ابيك..
وأقول ياحلو 'سكر' خمس دقايق أجي لك..
واجيك آمد لك يديني وأنته تمد لي يديك..
وتقعد تحايلني وأنا احايلك..
وتكفى لاتكون قاسي على قلب يحبك ويغليك..
وختامها صلوا على المصطفى عددخصايلك..
************************************
للناس قدر وقدرك بخافقي غييير
لهم مكانة وانت أغلى مكاانة..
صدري سما وانت على جوه الطير
والطير مايرضى يغير مكانه ..
عبرت لك عن صادق الحب تعبير
وعطيتك عيوني و"قلبي" بكفك أمااااانة
ودي أبعد عن تفاصيل الزمان واسكن
جروحك ولو فيها نكد..
دامني بأحضانك الدنيا أمان
عيونك المرسى وقلبك لي بلد ..
قلبي اللي ماعرف طعم الحناان
يسألك باسم المحبة والوعد ..؟؟
لو تباعدنا حبيبي بالمكان نبقى
روحين يجمعهم " جسد"
ماكنت قبلك فاقد بدنيتي شي
حتى الغلا عندي له ناس عادي
كانت مشاعر عالمي كلها لي
محد ملا عيني وحرك فؤادي
واليوم عندي كنك الدار والحي
لامن فقدتك ضااااق صدري وأناااادي
,,,,,,,,,, وينك حبيبي يابعد كل غالي,,,,,,,,,
توني حسبت حساب بعدك وفرقاك
توني دريت اني بدونك ولا شي
خليتني مابين طيفك وذكراك
عذبت حالي ليش ما ترفق شوي
إرجع ولو تامر على الروح تفداك
إرجـــــــــــــــــع
تراني شفت موتي وأنا حي..
تدري وش كثر أحبك...؟؟
كثر البشر
كثر النجوم
كثر الزهر
تدري وش كثر شوقي..؟؟
شوق الجفاف لقطرة مطر
شوق البرد لحرقة جمر
تدري وش تكون لي..؟؟
انت الحياة وانت العمر
وانت القمر وشمس الظهر
خوفي لو غبت أغيب
ويختفي بليلي البدر..
جيت أضحك
لقيت الضحك يستاهل جلوسك
جيت أبكي
لقيت الدمع ما تمسحه إلا كفوفك
جيت أسكت
لقيت السكوت يحلى بسماع صوتك
جيت أحكي
لقيت الحكي يحلى وعيني تشوفك
باختصار ياحبيــــــبي
دنيتي تكمل بوجودك...
ذكرياتك الجميلة تجعلني لا أنساك
أتذكرك.... فأعرف أن لدي كنز ليس مع كل البشر
واتذكر ابتسامتك... فاأعرف أن للأحزان نهاية
واتذكر قلبك... فاأعرف أن في الدنيا واحة بيضاء
تزخر فيها أشجار الحب وتنيرها أقمار الوفااااء
أحـــــــــــــــــــــــــبك
