حبيبي حبك احياني وشوقي لك تعداني
وقلبي طار واشجاني تسابقني وتسبقني تريدك مثلما اريدك تدفي برد احضاني
حبيبي حبك احياني نفخ فيني عمر ثاني وغير حبك الواني
عرفتك قبلما اشوفك وما اتوقعت تعرفني ولكن قلبي اتمرد علي واحساسي الهمني
بانك انت عنواني ووصلك منتهى احزاني
حبيبي لو ترى حبك يعذبني ويسعدني
و يبعدني ويجذبني
ويكتبني ويمحيني
وطيفك ما يفارقني
حبيبي لو ترى حبك عيوني تخبرك عني وعن حبك وما اجني مع حبك ودمع العين يجرحني
وقلبي ما يطاوعني احاول انشغل عنك
حبيبي لو ترى حبك وذاتي تخبرك عني
بان الحب اشقاني واضحكني وبكاني
واحساسي تحداني يقول انساك لكني افكر فيك وانساني
حبيبي ما اقدر اوصف لك
ولكن ودي احلف لك بانك نصفي الثاني
وطيفك ما يفارقني وبعدك صدق خلاني اخاف انك تناساني
وانك ما تبادلني وانك ما تصدقني
حبيبي لا تعاتبني اريدك بس تفهمني ولا تسمح لاحزاني تعذبني وتشقيني
حبيبي انتظر مني رساله حب مكتوبه
بدمع العين والالوان من نزفي
ونكهتها من الاهات ورديه
وهمسه تسمعك صوتي
ولحني فيك وانشادي وومضه تلفتك نحوي
وبشرى تسبق الموعد وفرحة يوم تلقاني واضمك بين احضاني
