قبل لا أهديك قلبي !!
أبطلبك طلب بسيط !!
لاتظن أنه اختبار أواختيار مابين الجنه والنار..
باختصار..
لو أهديتك قلبي تهديني نبضاتك ..... حياتك ؟!
يتخلل حبي كل ذراتك <<<< حتى عظامك
وتعيشني بأحلامك... تذوب في بحور ودي وأموت في غرامك؟!
يسري هوايا بخافقك مسرى الدم ..
أكون أنفاسك...... والماء>>> ان فقدتني يطرق الفناء بابك ؟!!
أكون كونك والضئ..؟؟!!
وإن غبت شوي تصير حياتك مظلمه ... كل ألم فيني قبل ماأقوله تفهمه .. وإن تغليت وأظهرت
الجهل .... _من كثر معرفتك فيني _ غلاك تعلمه ؟!
ودي أسمي يشعل بقلبك حريق !!!
أصير أهلك والرفيق...
أبيك تشد حبل المواثيق !
وإن غدر فيك زمانك ... تأكد إني أسقيك كأس الفرح ... وأشرب علقمه .. أبيك إن أبطيت عنك
يوم شمسك درب الشرق تجهله!!
الحب عندي ماهو تسلايه
الحب عندي ملحمه... _ تحكي قصة بحر غريق في هوى صياد يرمي فيه مابه من أحزان_..
أبيك تأخذ من ضلوعي حطب في شتاك وتشعله...!!
أبيك تأخذ خفوق متيم >>> أكبر من طموحك ... لو خذلوك الناس لك به أعلى مقام ومنزله
أبيك سلطان بحياتي عرش قلبي محمله ....!!!!
وأبيك تتأكد كل حرف كتبته له بك صله..!! كل درب مشيته أبي خفوقك يحفظه ..وإن مرت سنين
مايجهله..
أبيك تشوف العالم بعيوني
وإن ماشفتني تشوف عيونك الضياع
وتظل ذكراي والهواجيس تسقيك ألوان الأوجاع
مايبرى جرحك ولايطرب فؤادك إلا صوتي وضمة الذراع للذراع _ أبيك تقتسم معي همومك
بالنصيفه _وقبل لا أتحرى الصدق تقلي الحقيقه..
.
((( أكون حــــبــيــبــــــــــــتك ووفانا أوفــــــى من صديق لصديقه )))
((( أبيك تفديني بالـــــــــــــــروح كمـــــــــــا يفدي الشقيق لشقيقه )))
(((وإن حملنا زماننا مالانطيق نلتقي بابتسامه لو أحزاننا عميقه )))
مانعرف دروب الخداع وأشواقنا تشهد على عهودنا الوثيقه
مانحسب العمر قبل اللقاء وبعد اللقاء نحسب نبضاتنا بالثواني والدقيقه
ذكريات الماضي وألمه ندفنه بالدفاتر العميقه
نسامح ونغفر <<<<<<<<< ومايطـــــــــــــــــــــــــول الزعل
البعد مهما حصل مانطيقه....
أبي أكون حلم تبني حوله كل الصروح وألف سور يحرسه خفوقك ليل نهار
طلبي بسيط مايحتاج صياغة أو قرار واضح كما شمس النهار
باختصار ....
أني أكون أولى اهتماماتك ,,, كل شئ بحياتك ,,,
إن قبلت....
نثرت العمر في دربك _ورد_ وسقيتك صبح مساء_ ود_
ونذرت حياتي في اسعادك ,, واختزلت اسمك في شعوري,,
وإن صعب عليك الطلب ؟؟؟
اسمع مني هالكلمتين :
حاولت في الهوى أضربلك أمثله
مب كل القلوب _الوفا _تقدر تحمله
بنت الرجال صعبة المنال
ماتعطي قلبها إلا من شاف الصعب واستسهله !
