ايوا بحبك لكن حبى ليك غير كل البشر
حبى مش سهر بليل وعد نجوم
وكلام طول الليل
حبى مش انى اقولك بحبك ووحشتنى
ومن غيرك الحياه صعب تتعاش
حبى معناه
قلبى ادتهولك وانا مطمنه
حبى معناه
انى معاك على المره قبل الحلوه
حبى معناه
انى نسيت بيك الماضى
وعايشه معاك الحاضر
ومستقبلى مش هيكون الا بيك
حبى معناه
انى اقتصر العالم كله عليك
انى مش شايفه غيرك
ومش حاسه غيرك
ومش هقبل اكون الا ليك
حبى يا حبيبى اكبر من اى كلام
ورافضه انى اعبرلك عنه بمجرد كلام
وانا كمان
عايزه اشوف حبك
باهتمامك باخبارى
واقتناعك بافكارى
ومسامحتك لاخطائى
عايزه حبك ليا اشوفه افعال
عايزه كلمه بحبك يسمعها قلبى
ويحس بيها
حبيبى
عايزه حبك ليا مختلف
لانك عندى مختلف
