سألونى مالك؟.؟ (ملك الاحزان)

سألونى مالك؟

قولت بتسألوا ليه
قالوا صعبان علينا اللى انت فيه
قولت هو انا بجد باين عليا؟
قالوا اللى يعيش ف الحزن يبان عليه
وعرفت انى بضحك وف العين دموع
اتكلم وانا من قلبى موجوع
عايش فى خوف على ضوء شموع
قافل على نفسى الباب
مفتوح عليا وانا مخدوع
واستغرب عرفوا منين؟
كنت فاكر هتدارى العين
بس الجرح عايزله سنين
عشان يادوب بس انساه
عشان بس اعيش الحياه
يبقى كدا ايه عمرى؟
كدا وصل لمنتهاه؟
دا حتى مبقتش احس
مبقتش اقول الأه
من كتر الألم سكت
احساسى راح او يمكن تاه
يمكن هيرجعلى
ويمكن هتوه معاه