ا اول مصيبه واهم مصيبه
رغيف العيش الشعب المصري بقي بيعاني من الحصول علي رغيف العيش ولو جييبناه
يبقي عيش بالمسامير (ده علي اساس انهم عاملين المسامير دي بدل الجبنه يعني )
شوفتوا الحكومه حاسه بينا ازاي بتدينا عيش بالمسامير علشان عارفه اننا مش هنلاقي
نجيب الجبنه عارفين ان المرتبات فسابع ارض والاسعار ف سابع سما
و وقت لما المرتبات تزيد 100جنيه وبقدرة قادر الاسعار تزيد تاني يوم
والاسعار تزيد واحنا يجيلنا الضغط والسكر مش مشكله يجيلنا السكر مش مشكله
(ده علي اساس ان السكر غالي )ا
الاسعار تولع واحنا نولع معاها ووقت لما نولع نولع بكبريت من غير غاز علشان ببساطه
مفيش غاز ولما نروح المستشفي علشان نتعالج من الولعه دي نلاقي المستشفي عباره عن مقلب زباله
وممكن يكون مقلب الزباله انضف منها
وعلي فكره البلد مليانه شغل بس الشباب اللي بيدلعوا اقولكوا بقي ايه هو الشغل ده
ان الدكتور مش عارف يشتغل علشان ببساطه اي مستشفي عايزه خبره واللي لسه متخرجين
مش عندهم خبره يبقوا متخرجين معاهم خيبه بس (يبقوا يجيبي 2كيلوا خبره من السوبر ماركت)
زي لما البانجو والمخدرات بقوا بيتباعوا ف السوبر ماركت زي الشيكولا
المهندسين بقي بيشتغلوا ف قطاع خاص واخرهم كام شهر ويديهم استماره 6 ويقولوله يالا يا حبيبي ماماي مستياك ف البيت (د ه علي اساس انه هيقشر بصل معاها)ا
اللي بيشتغلوا بقي بياخدوا 200 ولا 300 ملطوش كل شهر
هيعملوا ايه ف حريقة الاسعار اللي المطافي مش عارفه تطفيها بقالها اكتر من عشرين سنه دي
نيجي بقي للادويه والامراض والحبوب المسرطنه والبلا الازرق ده بابي مبارك ومامي سوزان يشتروا
حبوب مسرطنه والشعب ياكل مش مشكله الشعب يتعب ونروح مقلب الزباله سوري اقصد المستشفي يعني مش يلاقوا فيها العلاج اللي المفروض ناخده وتبقي النهايه اننا نموت مش مشكله جت مصلحه بردوا علي الاقل علشان الزياده السكانيه تقل
عايشين ف وسط عصابه بس عصابه كل واحد بيشتغل لحسابه وال 80مليون مصري هما الضحيه
اراضي تتاخد من تحت الترابيزه ومش نعرف عنها حاجه ( ايه المشكله )
فلوس بتتسرق و بتتهرب ف بنوك بره (عادي )
امراض ومستشفيات خربانه (ايه اللي مضايقكوا مفيش ميزانيه)
حبوب مسرطنه ( مش تدقوا مش كانوا واخدين بالهم )
في بطاله ( الحكومه قلبها علي الشباب مش عايزه تتعبها)
مفيش غاز (مش مشكله حتي يقلل من الحرائق)
ارتفاع الاسعار (الغالي مش بيجيب غير الغالي)
فين الفلوس (اصلا مفيش فلوس)
ده علي اساس ان قناة السويس بس مش بتدخل ف السنه اللي
يعيش 80 مليون مصري كويس ) لأ خالص دي اشاعات
مشاريع اسكان الشباب (ده علي اساس ان الواحد لما يجي يشتري شقه مش بيبيع دهب امه وابوه
واحتمال دهب الجيران )لأ خالص
المرتبات قليله ( اصل الاسعار قليله وبعدين بيوفروا )
البانجو والمخدرات بقت بتتباع ف السوبر ماركت زي الشيكولا (لأ خالص)عايزين الشباب يفقدوا وعيهم علطول دول حتي بيعملوا جميل ف الشباب علشان ينسوا الهم اللي هما فيه
حسبي الله ونعم الوكيل فكل ظالم وكل مفتري افتري علي اي حد من ال80 مليون مصري