موضوع: ملك النجوم حفله الاسكندريه بالفيديوهات الأحد يونيو 13, 2010 3:22 am
[size=24][b]حفلة من اروع ما يمكن انها يتقال انها اجمد حفلة الكل حضرها فى صــيف 2009 تامر كان مبدع فيها ...كان كينج بجد انا ماحضرتش الحفلة ..بس الناس حكيتلى وسمعت منهم واسمحولى اقول اللى شافوة كنا اول ناس نسمع البوم هاعيش حياتى لايف من تامر كل اغنية احلى من التانية ..احساس ان تامر بيغنيلك لايف وهو ادامك غير الألبوم بمراحل واحنا كنا حافظين وبنردد معاة ..وكان فرحان اوى .ان الألبوم لسا نازل واحنا حافظين كل اغانية فى البداية الناس كانت كتيرة اوى ....العدد كان فوق ما اى حد يتصور مهما قلنالكم مش هتحسوا بالزحمة اللى كنا فهيا رغم كدة الحفلة كانت منظمة بشكل رائع وماحدش كان متضايق طبعا الحفلة كانت خيرية وتامر معروف عنة انة بيساعد فى توجية جهود الناس للخير
دخلة تامر اتغيرت ..الميوزيك بتاعتها اتغيرت والفيديوهات اللى فيها واسلوب الدخلة نفسة ..كل حاجة فيها اتغيرت تامر ظهر بلوك هاعيش حياتى ..اللوك الأنجليش المميز بتاعة مجرد ما شفنا تامر ..حسينا ان شعلة حماس دخلت جوانا بطريقة غير طبيعية كان واحشنا اوى ..وكنا عايزين نظهر ..كنا عايزين نقولة الرابطة هنا ياتامر الرابطة معاك وشايفاك وجاية تفرح وتفرحك يا تامر حبيبى كان حاسس بينا وشايفنا
تامر غنى اغانى كتير من الشريط الجديد
ظهر علاء عبد الخالق ..تامر قدمهولنا وغنوا مع بعض رسمى فهمى نظمى مش قادر اوصف كل واحد فينا كان عامل ازاى بس اكيد انتو حاسين بالهيبرة اللى كنا فيها
وبعديها تامر غنى هو وكريم محسن Come Back To Me كنا فخورين بيهم اوى هما الأتنين الناس كانت بتبصلهم وهما مندهشين .مش مصدقين ان فى كدة
وبعديها تامر انفرد بالمسرح ..حسسنا ان مفيش غيرنا احنا وهو بس
وغنى كل اغانية القديمة ...تامر لما بيغنى بيحسسك انة بيغنى ليك انت لوحدك مفيش غير انت وهو بس كان باصص لكل واحد فينا ..وكان شايف كل واحد فينا ..وبيغنى لكل واحد فينا الحفلة فضلت اكتر من تلات ساعات ..تامر رقص معانا وابدع بمعنى الكلمة المسرح كان اكتر من هايل ..والتامين كان ممتاز ..وعناصر الأبهار والشاشات كانت رائعة اسكندرية كلها كانت طايرة بتامر وفرحانة بية والمفاجاة اللى ماحدش كان متوقعها ولا تامر نفسة
ان محافظ اسكندرية اهدى لتامر درع الخير
مكافة لة على جهودة الخيرية (الحفلة دى كل ايرادها للخير يا جماعة وايواء اطفال الشوارع) ساعة ما تامر استلم الجايزة كنا عايزين نشيلة ونطير بية ونلف بية مصر كلها ونقول لكل اللى ما بيحبهوش ومابيعرفوش غير انهم يتكلموا وبس ياريتكم تبقوا زى تامر حسنى فى اى حاجة بيعملها بس تامر لو فى منة اتنين كانت الدنيا كلها اتغيرت
وحصل موقف كان صعب اوى على كل واحد فينا
تامر طبيعى كان متامن بجاردز كتير عشان مايحصلش مشاكل وهجوم والحفلة تبوظ ويضطر كل شوية ويقف غنا ..ومشاهد الأحضان اللى بتستفز ناس كتير يعنى كل الغرض الحفاظ على نظام الحفلة فقط لا غير لكن احنا عارفين تامر بيمشى فى وسطينا وبينزل من المسرح واحنا بنطلعلة ومابيكونش فية اى حاجة
دى بتبقى من منظمين الحفلة ..مش من تامر نفسة
المهم ولد طلع لتامر ومجرد ما الجادرز شافوة حاولوا ينزلوة وبعدين حصل شد ما بينهم وتامر شاف دة ..ووقف الحفلة كلها ..و زعق للجاردز وقالهم سيبوة وراح هو على الولد وحضنة ولما لقى الولد دموعة بتنزل فضلت الحفلة واقفة وتامر بيرضى الولد ويصالحة لحد ما الولد رجع للمود تانى وفرح من جديد
وبعديها تامر غنى مع منة عرفة زى ما عمل فى عيد الحب 2007 غنى مع منة عرفة انتى اللى عملتى لكل شباب الدنيا قلق
كل يوم بنفرح بيك وبنكون فخورين بيك اكتر واكتر وبنتعلم من المواقف اللى بنشوفها معاك يا تامر
حفلة اسكندرية كانت للخير ..انت عملت خير ..وخليتنا احنا كمان عملنا خير اسطورة ومش هتتكرر ..اسمها تامر حسنى ..اسمها نجم الجيل ..ملك الجيل بنحبك ..وهنفضل نحبك ...ودى رسالة شكر من كل واحد حضر الحفلة ليك يا تامر تعالوا نشوف صور الحفلة عشان كل واحد ماحضرهاش يبقى اكنوا حضر وشاف تامر معانا[/size][/b]
