اشهر عشر جمل يقولها الولد للبنت

حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

يااه يا حبيبتى انتى تؤمرى وانا انفذ اللى انتى عايزاه اجبهولك
( فى المشمش أن شاء الله)

حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

هكلم باباكى اول ماكًون نفسى
(موووووووووووت يا حمااااااااااار)

عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان
( أيوه أيوه الأسطوانه المشروخه )

انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

ياه لما بشوف رقمك على الموبيل قلبى بيتنفض
(طبعا من الخضه انها تكون فأسته)

حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لاين عنده)

عشر جمل جداد الولد بيقولهم للبنت بس لما يزهق منها وينفصل عنها لما يشوف واحده احلى منها

************************************************** ***********
حبيبتى انا ماستهلكيش
(ياله أهو ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )

انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

انا هاسيبك علشان مش عاوز اى حد يتكلم عليكى نص كلمه
( ياراااااااااااااجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)

انا مش عاوزك تزعلى منى
(يارااااجل وانت لما تسبها هاتعمل فرح وتدبح عجلين يعنى ؟ولا هتقول سابنى انا فرحانه )

انا ههاجر ومش عارف هارجع امتى
(طب ماتخدها معاك ولا هيا حجج وخلاص)

أنا مانفعش ارتبط بواحده مشيت معاها
( ان شاء الله وبأزن الله ربنا هايكرمك وترتبط بوحده موش مشيت معاك مشيت مع نص شباب شبرا ومصر القديمه كمان )

انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط وتقولو ليه .. يقولها علشان خاطرى انا ماستحملش دموعك ... وبرده مايقولهاش)

انتى اكتر حد حبيته فى حياتى بس برده زى ماقولتلك مش هاينفع نكمل
(لا تعليق)

حبيبتى انا اكتشفت ان مافيش مابينا حاجه متشابهه
(لالالالا بجد....بقالو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)

والله ياحبيبتى انا مش وحش وبلعب بمشاعر البنات زى مانتى فاكرة بس هوا ده نصيبنا
(لا ماهو واضح)

هههههههههههههههههههههههه
بجد جامد موضوع رائع و فعلا دا اللى بيحصل
ههههههههههههههه

مشجع هولندى كتب:: هههههههههههههههههههههههه
بجد جامد موضوع رائع و فعلا دا اللى بيحصل
ههههههههههههههه

يالهووووووووى يا صاصا هو حد قالك الكلام دا
احكيلى يا حبيبى جاتها نيله الرجاله

اية الكلم الجامد دة لا احنا مش هنقدر ع كدة يا عم دولة لا بس المدير مدير

ههههههههههههههههههههههههههههه يخربيت كدا على كدا احنا بئا بينضحك علينا كتير اووووووووووووووى واحنا زى الهبل بنصدق

الرومانسية كلها كتب:: ههههههههههههههههههههههههههههه يخربيت كدا على كدا احنا بئا بينضحك علينا كتير اووووووووووووووى واحنا زى الهبل بنصدق

هههههههههه انتى اول مره تعرفى يا سوما
دول كلمتين الشباب كلهم عارفينهم وحافظينهم
بس فى اللى بيتقى الله وفى اللى زى مانتى عارفه

موضوع حلو يا زعيم وعلى رئ سوما بيضحك علينا بس هنعمل ايه بقا نصبنا كده

لالالالالالالالالالالالالالالالالا بس مش كلو بيثبت بكلام فى اللى بيقول فى قلبة بجد و فى اللى بيقول كدا علشان يثبت اللى قدامة