أهم قوانين الطبيعة
قانون الطوابير :
إذا وقفت في طابور بطيء وقمت غيرته، طابورك اللي غيرته فجأة تلاقيه يمشي أسرع من اللي انت فيه
قانون التليفون :
عمرك ما تتصل برقم غلط ويطلع مشغول
قانون التصليح :
لو بتصلح حاجه بعد ما إيدك تتزيت وتتوسخ من الشحم من الماكينة، مناخيرك تبدأ تاكلك
قانون المعدات :
إذا وقع من إيدك أي شي، تأكد انه بيفضل يتـدحرج إلى أن يوصل لألعن مكان ما تقدر تطلعه منه
قانون الأعذار :
إذا تأخرت عن الشغل وقلت للمدير أن كان الكاوتش مخروم، اليوم اللي بعده يتخرم الكاوتش بجد
قانون الحمام:
بعد وضع جسمك في الماء في الاستحمام، يبدأ التلفون يرررررن وما يسكتش
قانون الالكترونيات :
إذا أخذت جهاز علشان تصلحه وعايز توريه انه ما بيشتغلش، وقتها يشتغل أحلى كلام
قانون السينما :
اللي حاجزين كراسي في النص لازم يجوا آخر ناس ويدوسوا على رجلك
قانون المصادفات :
إذا كنت مع واحد أو واحدة وموش عاوز حد يشوفك معاهم، فجأة كل اللي تعرفهم يطلعوا من كل مكان
قانون الأقساط :
إذا عندك سيارة أو أي سلعة بالقسط،،، مجرد ما تخلص الأقساط تخرب
قانون الزواج :
بعد شهر من زواجك ... يسألوك ها مافيش حاجة جاية في السكة ؟؟؟
قانون المرتب :
آخر الشهر لازم كل العزايم والهدايا والطلبات تزيد ؟؟
قانون البحث :
إذا حبيت تدور على شي معين(موش حتلاقيه).... مع إنك كنت كل يوم بتشوفه
قانون النوم
لما يشوفوك نايم عالسرير ومغمض عينك ويسئلوك هتنام ؟
امال بحاول أموت مثلاً!!!!؟؟؟؟
قانون التليفون
يتصلوا على تليفون البيت ويسألوك انت فين ؟
...هكون في الشارع وساحب السلك هناك؟؟؟!!!
قانون الاسانسير
يشوفوك واقف قدام الاسانسير في الدور الأرضي ييجي واحد ويسألك طالع ؟
لأ مستني الشقة تنزلي
قانون الحوادث
يشوفوا عربيتك مخبوطة ويسألوك حادثة ؟
لأ دي العربية عاملة نيولوك
