عايزين مطالبنا نجمعها كلها هنا يالا بينا..........................
+2
lord mahmoud
الباتشينو
6 مشترك
كاتب الموضوع
رسالة
الباتشينو vip
المعمل : 3 المجموعه : 2 الفرقه : لسه تانيه كلاكيت تالت مره عدد المساهمات : 892 تاريخ التسجيل : 16/06/2010 العمر : 33 الموقع : لن احآوٌلِ انِ أغيرِ نفسّيِ لأجلِ أي شخص ولن أعبث بشخصيّتي لأرضّيِ الآخرينِ من لمِ تٌعجبه شخصيتّي فليست مشكلتي ّسوف يأتى من يعشّقهآِ بجنون
موضوع: عايزين مطالبنا نجمعها كلها هنا يالا بينا.......................... الإثنين مارس 07, 2011 2:16 pm
بسم الله الرحمن الرحيم اهلا بكل الاخوه الاعضاء اولا كل سنه وانتم طيبيين بمناسبه الترم التاانى وان شاء الله هيكون بنجاح والف مبروك لنجاح الثوره وخروج مصر من زمن الظلم والفساد الى زمن جديد يسوده العدل والمساواه والديمقراطيه معلش بقى انا مش بعرف اكتب باللغه العربيه الفصحه اوى علشان كده انا هكتب عادى جدا كاننا بنتكلم وبندردش سوا قابلنا اليومين اللى فاتوا احتجاج على حاجات فى المعهد بتاعنا ومنها الاداره والمعيدين والاجر بتاعهم والموظفين بالمعهد وحاجات تانيه كتير بس محدش لوحده عارف يجيب كل اللى احنا عايزينه مره واحده بس باذن الله لما تقرا الكلام اللى جاى ده هنقدر نحدد اللى احنا عايزينه ومطالبنا كمان الموضوع بسيط جدا انا هحكى لكم يوم عادى خالص لاى طالب ولو اى حد منكم شايف انى ناسى حاجه يكتبها تحت ونضيفها لكلام لانه مش معقول انا هجيب كل اللى احنا عايزينه يالا بينا نبدا
يوم دراسى عادى جدا وايه المشاكل اللى ممكن تقابلنا يالا بينا
فينا ناس ساكنه بعيد من بلاد كتير اوووووووى منهم اللى من المنوفيه ربنا معاهم ومنهم اللى من شبين القناطر ربنا معاهم برضه ومنهم اللى قاعد جمب المعهد وبييجى المعهد مشى لانى المعهد قريب منه اوكى الناس اللى بعيده عن المعهد دى ممكن تاخد قد ايه وقت لما توصل المعهد انا عن نفسى مش اقل من ساعه اوكى وعندنا اول محاضره بتبدا الساعه 8ونص يعنى على الاقل خااااالص اخرج من البيت الساعه 7 ونص صح ؟؟ وفيه ناس بتاخد وقت اكتر من كده يعنى علشان تفطر وتصلى الصبح او مثلا علشان تاخد شاور فى السريع مش هتاخد اقل من ساعتين .. وتمشى الساعه 7 يبقى على الاقل خااااالص تصحى الساعه 5 طب ليه ولو انت جمبه يعنى على الساعه 7 براحتك واول محاضره الساعه 8 ونص حرام ولا؟؟؟؟؟؟؟؟؟؟؟؟؟؟؟
ما علينا نمشى اليوم الدراسى صحيت الساعه 5 مشيت فى ميعادك 7ونص الحمد لله وصلت المعهد تعالا بقى على البوابه الامن : الكارنيه؟ انت : مش معايا نسيته الامن : مش هتدخل انت : مش هدخل ازاى؟ انا معايا الكارنيه بس ناسيه (وهو راسه والف سيف انك متدخلش) ماشى يا عم عديها وانا ممكن اقول لكم انى الموقف ده والله العظيم تلاته حصل معايا وطلب منى الوصل بتاع المصاريف وانا الدنيا كانت بايظه معايا خااااالص الصبح وناسى المحفظه باالى فيها الكارنيه البطاقه والوصل بتاع المصاريف كمان وتاخد فى وشك فى الحكايه دى ....... قول بتاع نص ساعه بلاش ساعه ده ان دخلت عديها............. نكمل ولو دخلت وصدق انك مسلم ودخلك تيجى تدخل المدرج الباشا بتاع الامن مش بيدخل حد تانى ليه........؟ علشان الدكتور قال كده طيب سلمات يا محاضره ما علينا
ولو انت بقى بالك رايق ومش نسيت الكارنيه تدخل فى ميعادك عادى وتتلطع نص ساعه ولا ساعه الا ربع لحد لما الدكتور ييجى ويمين بالله ده كان بيحصل بيدخل كل محاضره بعد ما تبدا بنص ساعه ماشى..؟ ييجى الدكتور المحاضره بقى يدرس مش زياده عن نص ساعه والباقى كان بيضيع ....؟ يا اما ينادى على الاسماء.... فوق ال500طالب تكون المحاضره خلصت اصلا او يقول كده كفايه ونمشى والمحاضره خلصت برضه كل سنه وانتم طيبيين وادى المحاضره
نيجى بعد ما نخلص المحاضره مثلا لو واحد عايز يدخل الحمام بيلاقى احلى الحمامات حاجه جميله كده والمياه شغاله 100 100 ما علينا
السكشن بقى بندخل السكشن فى الوقت المحدد فيه معيدين والله العظيم بتضيع نص السكشن فى الكلام اللى ملهوش لازمه اقسم بالله العظيم ده بيحصل وبيحكى لنا بقى عن حياته مثلا لما كان فى الكليه او موقف حصل له او اواواواو وادى السكشن خلص هو كمان
بعد ما نخلص السكشن لو انا مثلا عندى مشكله عايز اقابل الاب الروحى للمعهد سيادة اللواء انا جربت والله تلاقى السكرتيره واقفه لك عايز ايه ؟ وعايزه ليه؟ وعلشان ايه؟ مش بنقدر نقابل سيادة اللواء بسهوله والله طب حد فيكم يجرب كده مره
ولما نروح البيت بقى مثلا بعد الشر عننا كلنا لو حد تعبان فى البيت مثلا ومش عارف يروح المعهد ومش عارف اى حاجه وايه الجديد فيه مش يعرف يدخل على الانترنت وهو فى البيت ويعرف الجديد عن المعهد حد فيكم هيقول لى فيه موقع للمعهد هقول له انا عن نفسى سمعت بس محدش قال لى عنوانه واسمه ايه ؟ ويا ريت اللى عارفه يكتب هنا علشان الكل يستفيد منه
نيجى للامتحانات المصاريف تعتبر العبئ الكبير اوووووووى على الكل او ممكن نقول البعض وانا واحد من الناس اللى مش كانت دفعت المصاريف السنه اللى فاتت الترم الاول حصل معايا حاجات برضه منها اننا نفضل واقفين بره طالما مش دفعنا المصاريف والامتحان والله يكون بدا واحنا برضه واقفين وجه سيادة اللواء دخلنا وقال لنا ابقى هاتو المصاريف بعدين طيب وليه من الاول كده توتر للناس وخلتوهم مش مركزين والى مذاكر كلهمه تلقيه نسيه من التوتر ده هيدخل الامتحان بعد الوقت ما بدا ومفيش تعويض ولا وقت اضافى وخلص الوقت وهات الورقه حليت زى ما حلتش
من حق الدكتور اللى بيدرس لك او المعيد انك اولا الاحترام علشان هو كمان يحترمك ومش يهينك قدام اى حد من اصحابك او غيرهم وساعتها للاسف انت مش بتبقى عارف بتعمل ايه ممكن يوصل بيك الجنان انك تتعارك معاه وده مش احترام خااااااااااالص ومن حقه كمان زى ما بيديك علم تتعلمه تديه انت كمان تقدير وتقديرك ليه انه لما يسالك تجاوب وتجاوب صح كمان واخر السنه تتفوق مش تجيب مقبول ولا جيد لا تجيب امتياز ولو هو قصر معاك (وما اعتقدش انى فيه ناسى بتقصر الا قليل) من حقك انت كطالب انك مش تديه حقه عليك يعنى لما يسالك مش تجاوب صح وتغلط علشا تعرفه انى شغله مش صح
ومن حق الامن عليك انك تحترمهم اولا لانى اى واحد فيهم اكبر مننا كلنا بسن كبير يعنى اقل واحد فيهم فى مقام اخوك الكبير ولونهم كلهم فى مقام الاب مش الاخ عايزهم يحترموك احترمهم عايزهم يقدروك قدرهم
وهما مش كده خااااااالص والله كلهم ناس محترمه وغلابه مش مفتريين يعنى
ده كان كلامى وانا خلصته وممكن كل واحد فيكم يقول رايه هو كمان ولو الكل موافق على الكلام ده وحاسس انه مش ناقص حاجه يعنى لو فيها غلاسه اى واحد محترم عنده طابعه يطبعه وبكره ان شاء الله نقدمه للعميد وهو يشوف الصح يعمله ويعرف برضه مطالبنا وممكن نحددها سوا هنا ونقدمه له
يالا قولوا رايكم
وعلى فكره ان شاء الله بكره الساعه 10 هنتجمع علشان نقابل العميد ونقول له اراءنا وطلباتنا محدش يغيب بكره
بعد مااتخرج هبقى حاصل ع شهادتين والشهادة التانية دى هتبقى اكتر واحد متعقد من كل حاجة
وغير كده انا هدخل الجيش بعد التخرج ان شاء الله لانى اكبر اخواتى وكلهم صبيان
انا بقول انتحر من دلوقتى افضل واسرع مش كده ؟؟؟؟؟؟
مين هينتحر معاى ... عايزين انتحار جماعى ^^
سلامى
الزعيم Admin
المعمل : 2 المجموعه : 1 الفرقه : شباب الخريجين عدد المساهمات : 6998 تاريخ التسجيل : 23/10/2009 العمر : 34 الموقع : http://www.shobrama3hdi.com
موضوع: رد: عايزين مطالبنا نجمعها كلها هنا يالا بينا.......................... الإثنين مارس 07, 2011 5:17 pm
تصدق بالله ياحوده انت ياشااااااااااااااااااااااااااااااااااااااااااااااا انا كنت هعمل نفس التوبيك عشان طلبات الناس وهيتم نقله للمقترحات والشكاوى وياريت اى حد عنده اقتراح او شكوى عن المعهد يكتبها هنا
وداعآ لأحلامى عضو مميز
المعمل : 0 المجموعه : 0 عدد المساهمات : 3815 تاريخ التسجيل : 13/01/2011 العمر : 33
موضوع: رد: عايزين مطالبنا نجمعها كلها هنا يالا بينا.......................... الثلاثاء مارس 08, 2011 7:08 pm
المعهد ده ميه ميه والله ومافهوش اي عيب مش محتاجه اقولكم مهما اتكلم مش هقدر اوصف شعوري ناحيته مع تحيات الصمت الرهيب ههههههههههههه :D
الزعيم Admin
المعمل : 2 المجموعه : 1 الفرقه : شباب الخريجين عدد المساهمات : 6998 تاريخ التسجيل : 23/10/2009 العمر : 34 الموقع : http://www.shobrama3hdi.com
موضوع: رد: عايزين مطالبنا نجمعها كلها هنا يالا بينا.......................... الثلاثاء مارس 08, 2011 9:49 pm
هههههههههههههههههههههههههه لا اتكلمى يا اوشا عاتى ^_^
khulod adel عضو جديد
المعمل : 2 المجموعه : 1 الفرقه : الاولي عدد المساهمات : 7 تاريخ التسجيل : 06/08/2011
موضوع: رد: عايزين مطالبنا نجمعها كلها هنا يالا بينا.......................... الثلاثاء أغسطس 09, 2011 9:43 am
حاليا النهارده انا واحده مسافره ولازم حد يروح يجبلي نتيجتي طب ليه متظهر عالنت او علي الجروب الي عندنا او حتي علي الموبايل ايه المشكله ده احنا في 2011
وكمان فعلا مشكله الحمامات دي جامده جدا ده حتي لو نظيف الازاز بتاع الشباك مكسر
وكمان الامن ده احنا بنموت بعض وبتوع الامن بيتفرجو ده لو كانو موجودين والامن غير مسئولين البوابه طبعا واحنا معندناش
والمحاضره بيديها دكتور واحد فكل ماده مع اني المفروض كل ماده يبقي فيها محاضرتين لنفس الموضوع بس دكتورين مختلفين
والكتب الي مبنشفهاش غير بعد الامتحانات والملازم الي نلاقيهم ابيض واسود وبيتعبو النظر جدااااااااااااااااا
والحر الي فالمدرجات يريت نحسن المراوح ونزود الاضاءه
ولو المشكله فالمصاريف تزيد بس نتعلم احسن ولو اني شايفاها زياده علي الحال الي احنا فيه ده
وده كمان بس الي انا فاكراه
وبعدين يريت كلامنا يغير لان احنا اتكلمنا كتير يجماعه فيريت تلحقو الفرن قبل مايولع لانه سخن جدا