الحب وسنينه والنهاية غير المتوقعة

ياااااااااااااااااااااااااااه دا انا كنت متابع مسلسل تركى خلص قبل القصة دى
فى انتظار النهاية يا عمدة

الحب وسنينه والنهاية غير المتوقعة - صفحة 8 557910

اولا عشان الغيبة الطويله دى اكيد نسيتوا اخر الاحداث
هفكركوا بأخر حاجه فى الحلقة 25 قبل ما ندخل على ال26
والنهاية

حاول على فى الايام التاليه لهذا اليوم ان يكلم فاطمه لكنها لم تكن ترد.

فى احد الايام ردت عليه.

بعد مرور اسبوع تقريبا على مرضها.

__________________

على:- ايه يا بنتى عامله ايه؟

واحشنى صوتك و الله؟

فاطمه:- كويسه الحمد لله.

انت عامل ايه؟

على:- طول ما انت كويسه انا كويس.

انتى كان مالك؟

فاطمه:- انا معدتى عصبيه

اتعاركت مع ميدو اخويا و اتنرفزت جدا منه

ف معدتى قلبت عليا و انا اى نرفزه بتقلبلى معدتى جامد

عشان انا كنت متضايقه منه اوى اوى تعبت جدا كده.

على:- لا الف سلامه, ايه اللى حصل يعنى؟؟

فاطمه:- البيه يا سيدى جه عشان اجازه العيد و قال انه هايروح يشوف صحابه عشان انت عارف انه بيشتغل ف القاهره و كده.

راح قعد ماعهم العيد كله و ماجاش غير اخر العيد عشان ياخد هدومه و يسافر.

يعنى انا اللى كنت مستنياه كل ده و قلقانه عليه مايقدرنيش كده و مايقعدش معايا دقيقه؟

يعنى انا با اشوفه فى العيد بس

كمان مستخسرها فيا؟

على:- معلش بقى

شباب و بقاله كتير بيشتغل و عايز يروق شويه

ماتضايقيش نفسك انتى بس.

المهم انك كويسه

فاطمه:- يعنى اه الحمد لله.

وبعد كده اتكلموا ف مواضيع فرعيه و شويه حاجات كده و قفلوا بعد 1/2 ساعه.

__________________

الحمد لله انها كويسه..

ده انا كنت ها اتشل لو حصل حاجه.

يا سااااااااااااااتر

__________________

تانى يوم كان عندهم كورس بيروحوه مع بعض

ماتوقعش يلاقيها

لكنها جت

و الحركه دى طمنته تمام انها بقت كويسه.

بس بعد 1/2 ساعه من الكورس تعبت و داخت

و استأذنت و روحت.

بعد ما الكورس خلص حاول يتصل بيها على لكنها قفلت تليفونها

قال يمكن تعبانه و مكانش المفروض تنزل النهارده

و لما روحت نامت.

استنى تانى يوم

و مارديتش برضو

اتصل بكريستين.

__________________

على:- ايوه يا كريستين؟

هى فاطمه مالها.

كريستين:- فاطمه ف المستشفى يا على.

__________________

دلوقتى ندخل على الحلقة ال26

Basketball

موضوع: الحلقة 26 الإثنين فبراير 21, 2011 10:41 pm

الحب وسنينه والنهاية غير المتوقعة - صفحة 8 00Bm053DMF6

اهلا اهلا اهلا

عاملين ايه؟؟

الحمد لله؟؟

تمام

نبدأ ف الحلقه ال 26

__________________

على:- ايوه يا كريستين؟
هى فاطمه مالها.

كريستين:- فاطمه ف المستشفى يا على.

على:- ايه؟؟؟

كريستين:- ف المستشفى

بسببك.

على:- ايه؟

كريستين:- ساره قالت لى انها قريت الماسيدج اللى انت بعتها لها

و بعد كده تعبت و داخت و اغمى عليها و قعدت تترعش.

على:- ايه؟
و كده بسببى ازاى؟

كريستين:- بعض ما راحت المستشفى و فاقت و كده,

ساره كلمتها.

على:- ها!!

كريستين:- قالت لها انها حست بالذنب نحيتك و انك بتحبها و هى مش بتحبك.

عشان كده تعبت و كده.

على:- اه.
يعنى انا بعت لها الماسيدج عشان بحبها بس؟؟
طب ما انا تعبت اسبوع
و انتى كنتى بتتصلى بى كل يوم
و كنت بتكمينى كتير اوى
ماعملتش كده ليه؟؟

كريستين:- عشان مافيش بينى و بينك حاجه.

على:- طب ما انا و هى اتكلمنا كتير اوى ف الموضوع ده
و آخر مره قولت لها ان مافيش حاجه خلاص.

كريستين:- نصيحتى ليك,

خف معاها ف الكلام شويه.

على:- بمعنى؟

كريستين:- يعنى لما تكلمها ماتقعدش تقول اى كلام

حاسب على كلامك.

و خللى بالك ماتقولش كلمه ليها معنيين.

على:- و الله انا با اكلمها عادى
بس هى شكلها بتفسر كل حاجه حسب مزاجها.

كريستين:- معلش حاول.

على:- ها احاول
عشان خاطرها
ها احاول.

كريستين:- قلل معاها ف الكلام اوى اوى اوى

على:- اوك.

__________________

جلس على يفكر
__________________

ف المستشفى؟؟
و انا مطلوب منى ما اكلمهاش؟
ازاى يعنى؟
و بسببى؟
ازاى برضو؟
انا ما عملتلهاش حاجه
يعنى عشان با اسأل عليها بقيت غلطان؟؟؟
يعنى بقت دلوقتى مشكلتى؟
يعنى انا اللى غلطان؟
و انا السبب؟؟
انا ماعملتش حاجه
انا سألت عليها بس
و كون انها بتفكر بطريقه غريبه و بتاخد الدنيا على صدرها
دى مش ازمتى
دى ازمتها هى
بس مطلوب منى عشان خاطرها انى اقلل من الكلام
اوامرك يا ستى
حاضر ها اقلل من الكلام
و ها احاسب على كلامى
بس تخف و ترجع تانى
عشان كده بجد كتير اوى.

__________________

و فضل على ف حيره
يكلمها ولا مايكلمهاش؟؟
لو كلمها خايف لا حالتها تسوء اكتر
و لو ماكلمهاش خايف لا تقول مش بيكلمنى و عرف انى عيانه
و تحس برضو بالذنب "لو الموضوع ذنب فعلا"
و حالتها تسوء اكتر
و قعد يفكر هايعمل ايه؟
.
.
.
.
.
قرر انه خلاص مش ها يكلمها غير لما يعرف انها خفت تماما خلاص.

خلاص, لما تبقى تخف ها ابقى اكلمها.
ربنا يقدرنى و يصبرنى بقى...

__________________

قعد فتره طويييييله مش بيكلمها و مش بيشوفها
هايموته القلق
عايز يتطمن عليها.
و ف نفس الوقت خايف لو كلمها الدنيا تبوظ.
اتصل ب كريستين يسألها عليها
عشان عرف انها راحت لها تسأل عليها.

__________________

على:- الو.
ازيك يا كريستين.

كريستين:- تمام.

على:- و هى, عامله ايه؟؟

كريستين:- ما اخبيش عليك يا على

.

.

تعبانه اوى.

ما اكلتش بقالها اسبوع و عايشه ع المحاليل.

و مش بتتكلم و مش بتتفاعل مع اى حاجه و اى حد

و طول اليوم نايمه.

على:- .........

و تنهد تنهيده كادت ان تحرق الموبايل ف ايده من حرارتها.

كريستين:- معلش اصبر.

هى على الرغم من اللى هى فيه الا ان هى اتحسنت

يعنى بدأت تتحرك و هى نايمه

و بتتقلب و كده

الاول ماكانتش بتعمل اى حاجه خالص.

على:- بليز يا كريستين خليكى معاها.
و اى فرصه تجيلك تروحيلها روحى
و حاولى تتطمنى عليها كل يوم.
و تطمنينى.
اوك؟

كريستين:- اوك

ماتقلقش.

باى دلوقتى.

على:- اوك, ماشى, باى.

__________________

جلس على مهموما
كل ما يسمعه مش بيطمنه خالص.
كل الاخبار وحشه
و كل حاجه سوده ف عنيه
كل حاجه فيه اتأثرت
مستواه ف الدراسه
علاقاته الاجتماعيه
حتى ف البيت كان بيقعد اكتر من يومين تلاته
مكانش بيفتح بقه
مابيخرجش
مابيروحش الكليه
و لو راح مابيحضرش

__________________

يااااااااااااااااااه
للدرجادى؟؟
انا متعلق بيها اوى كده
ده انا حياتى تقريبا وقفت
و باظت منى كل حاجه و هى مش موجوده.
كل حاجه با اشوفها مالهاش لازمه
يعنى روحت الكليه ماروحش مش فارقه
مهى مش موجوده
ولا الكورس كمان ها اشوفها فيه.
ولا با اعرف اكلمها ف التليفون.
ياااااااااااا رب

استرها يا رب

__________________

عرف على ان فاطمه خرجت من المستشفى بعد 10 ايام من دخولها المستشفى.
كان عايز يتصل بيها بس مقلق.

استنى شويه و كلم كريستين يمكن تبقى رايحالها قريب...

__________________

علي:- الو

كريستين:- ايه يا على,

عرفت ان فاطمه خرجت من المستشفى؟

على:- اه عرفت.
با اقول لك
انتى رايحالها قريب؟

كريستين:- اه

بكره

على:- طب تمام
خللى بالك منها بقى
اوك
و ها اكلمك بعد بكره اعرف منك اخبارها.

كريستين:- اوك ماشى

با اقول لك ايه

ان ها اقفل عشان ماما بتنده على

على:- اوك ماشى
باى.

__________________

راحت كريستين ل فاطمه و شافتها و رجعت و كلمت على.

__________________

كريستين:- ايوه يا على.

على:- ازيك
عامله ايه؟

كريستين:- كويسه

على:- و هى؟

كريستين:- مش اوى برض لسه تعبانه جدا بس بتتحسن

ب الراحه اه

بس بتتحسن

على:- ازاى؟

كريستين:- يعنى بقت بتتكلم

بس الكلمه ب كلمه و خلاص.

و لسه نايمه مش بتقوم و مش بتاكل

اكلت النهاره بالعاافيه.

و طلعتها البلكونه و قعدت شويه

بس ماكانتش عارفه تقف على رجليها

كنت انا و مامتها مسندينها

و بعد كده دخلتها و قعدنا ف الصاله

تعبت و دخلناها تنام

كنا بنتكلم ف اوضتها و بصوت عالى

هى ماكانش ليها رد فعل خالص.

و لما كانت نايمه و شها كانت الاعصاب بتاعته بتتحرك لوحدها

و كانت مكشره و عيطت و هى نايمه.

كان على مذهول وهو يسمع كل هذا الكلام على من يحب
و يشعر بالعجز الرهيب تجاه ما يحدث

على:- انا عايز اكلمها اوى.
وحشتنى و وحشنى صوتها و
وحشنى هزارها و ضحكتها
بجد انا حياتى وقفت عليها فعلا.
انت شايفه انا عامل ازاى ف الكورس و الكليه

كريستين:- معلش بقى

عشان خاطرها

تعالى على نفسك

و هى بتتحسن و ان شاء الله قريب هاتبقى كويسه

على:- يا رب.

__________________

اااااااااه
انا مخنوق قوى قوى

و ازاى يعنى مش هاينفع اكلمها و انا عارف كل ده؟
ده انا يبقى ماعنديش دم بقى
بس بجد ما ينفعش
اعمل ايه؟
طب اخلينى كده كل يوم با اتصل ب كريستين اطمن عليها؟
طب مش ممكن كريستين تزهق؟
ساعتها ها اعمل ايه؟؟

__________________

مر على على شهر
يعيش فيه فى دوامه من مرض حبيبته و غيابها و شوقه ليها و سوء حالتها و إظلام الدنيا امام عينيه.
و بين محاولاته ان يخرج من الدائره المغلقه المحبوس فيها.
ساءت حالته العصبيه اكثر من اى وقت مضى
نسى الابتسام و الفرح لم يعد يعرف طريق الى قلبه.
يأس و انتظر ان تأتى عليه الضربه القاضيه اللتى ستنهى كل شىء و للأبد.
و فعلا

__________________

و بكده تخلص الحلقه ال 26 و فاضل حلقه واحده بس

تتوقعوا هايحصل ايه؟

انتظروااااااااااااااااااا النهاية؟؟؟

الحب وسنينه والنهاية غير المتوقعة - صفحة 8 902568409

الحب وسنينه والنهاية غير المتوقعة - صفحة 8 902568409

بجد القصه تحفه مووووووووووووووووووووووت

بس فى حد بيحب حد اوى كده

مش ممكن على حبه ليه

ياريت يبقى فى حد كده

ياريت تكمل الحلقه

وميرسى جدا على القصه

ميرسى ليكى على المتابعة يابنوته
فعلا فى ناس بتحب كده موجودين فى حياتنا بس للاسف نادرين

cheers

العفو

كلامك صح طبعا

ممكن بقى تكمل الحلقه

عشان عايزه اعرف ايه اللى هيحصل

ان شاء الله الحلقة لاخيرة خلال ساعات

تسلملى يارب

ميرسى اووووى

الحلقة الاخيرة بعد قليل

موضوع: الحلقة الاخيرة الخميس مارس 17, 2011 9:31 pm

اهلا بيكم بجد وحشتونى كتييييييييير
والقصة وحشتنى اوووووووووووى

بس ياخسارة
النهاردة

الحلقة الاخيرة

النهاية
انها المحطة الاخيرة لقطار القصة

المحطة ال27

فهيا بنا

cheers

مر على على شهر

يعيش فيه فى دوامه من مرض حبيبته و غيابها و شوقه ليها و سوء حالتها و إظلام الدنيا امام عينيه.

و بين محاولاته ان يخرج من الدائره المغلقه المحبوس فيها.

ساءت حالته العصبيه اكثر من اى وقت مضى

نسى الابتسام و الفرح لم يعد يعرف طريق الى قلبه.

حاول كثيرا ان يتصل بها ليطمأن عليها لكنها لم تكن ترد اطلاقا..

يأس و انتظر ان تأتى عليه الضربه القاضيه اللتى ستنهى كل شىء و للأبد.

و فعلا

وجد هاتفه يرن

كريستين تتصل به

.

.

.

خاف ان يرد

لكنه رد و قلبه يكاد ان يخرج من صدره.

__________________

على:- ا .. الو

ايوه يا كريستين فيه ايه؟؟

كريستين:- مش عارفه اقول لك الكلام ازاى...

على:- خلصينى انا مش ناقص.

كريستين:- بص,

انا مش عايزاك تزعل.

بس فاطمه بتقول لى ماتتصلش بيها تانى عشان مش هاترد عليك خالص.

على:- ايه؟

كريستين:- هى قالت لى كده و قالت لى انها مش هاترد على اى ولد يتصل بيها.

على:- ااااااااااااااااااااااااااااه

كريستين:- معلش بقى يا على.

على:- يعنى هى كده هاتبقى مرتاحه؟؟

كريستين:- ماكانتش قالت لى اقول لك.

على:- اوك

لو ده هايريحها

انا ها اعمل كده

عشان خاطرها.

كريستين:- شد حيلك بقى و امسك نفسك عشان هى احتمال تيجى الكورس بكره.

على:- انا محتاجك بكره اوى اوى

كريستين:- ماتخافش.

على:- اوك, ماشى.

مافيش اى بلاوى تانيه عايزه تقوليها؟؟

كريستين:- اوك,

لا خلاص. مافيش مصايب تانى.

على:- كفايه على كده اوى

باى باى.

كريستين:- باى.

__________________

حس على انه مخنوق و ان الدنيا ضاقت عليه جدا

ماكانش عارف ياخد نفسه و كأن حجر كبير اتحط على صدره.

شعر بان هم الدنيا قد تراكم عليه و بأن روحه قد خرجت منه

و لكن عزاءه الوحيد

انهم "قالوله" انها مرتاحه كده.

لكن الغموض كان يسيطر على تفكيره.

و كان هناك سؤال يلح على تفكيره دائما.

__________________

ليه؟

طب انا عملت ايه؟؟

مافكرتش في ليه؟

انا عمرى ما اخدت قرار حسيت انه ياثر عليها من غير ما اخد رأيها

و حتى لو قالتلى اوك

و انا حاسس انها مش اوى

ماكنتش با اعمله.

ليه كده؟

ليه الانانيه دى؟

ليه مافكرتش في؟

ليه باعتنى على اول ناصيه؟

ليه؟

قررت تسيبنى فجأه ليه؟

انا ماعملتلهاش حاجه غلط

و لو غلطت فيها

ماكانش قصدى

ده انا المره الوحيده اللى عملت معاها حاجه غلط

ماعملتش حاجه

" الكلمه اللى قالها إيساف و حس على ان فاطمه اتغيرت اوى من ساعتها"

للدرجادى شايلاهالى كل ده؟

ده انا اعتذرت كتير اوى على حاجه ماعملتهاش.

للدرجادى بايعانى

للدرجادى مش باقيه على؟

ع الاقل ك صاحب

جه على نفسه كتير اوى عشانها

داس على قلبه و وافق يبقوا صحاب

داس على قلبه و شاف اللى بيحبها بيتقرب ليها و هو واقف مالوش حق يعمل حاجه

اتدخل لها و خسر صاحب عشانها

ضيع من وقته كتير يفكر فيها

سامحها بعد ما اهانته ب رفضها ليه ك حبيب

سامحها بعد ما اهانته و قالتله احاول تانى

سامحها بعد حاجات كتير

و انا الغلطه اللى اغلطها اللى هى انا ماغلطتهاش

ماتسامحنيش عليها.

يااااااااااااااااااااااااه

هو انا غبى للدرجادى؟

ولا الموضوع موضوع حظ؟

ليه بس كده يا فاطمه؟

ليه خليتينى افكر فيكى بالطريقه دى؟

ليه خليتينى اتكلم عليكى كده

حتى مع نفسى؟

ليه؟

__________________

حاول على مرارا و تكرارا ان يخرج من حالته

عشان الكورس اللى كان رايحه و ماكانش عايز حاجه تبان عليه

راح و لكن كريستين ماراحتش

حاول مايبينش حاجه

لكن مستواه كان وحش اوى اوى و تقريبا كان كأنه مش موجود و ماكانش بيتكلم حتى لو اتسأل

فاطمه كانت موجوده

و ماكلمتهوش طول الكورس

و حتى و هما ماشيين سلمت عليه كده عشان ريما كانت واقفه جنبهم.

حتى لم تمد يدها لتسلم عليه

شعر على بعد هذه الحركه بأن خنجرا قد نفذ من قلبه الى صدره.

استدار و ذهب دون ان يسلم على ريما

__________________

و عندما عاد لمنزله

بعث ب رساله لموبايل ايمى اخت فاطمه

" قولى لأختك ان لو اللى هى عايزاه ده يريحها و انها هاتخف و تبقى كويسه

ف انا مايهمنيش اكتر من ان هى تبقى مرتاحه و كويسه,

عشان احنا ف الاول و الاخر بينا عيش و ملح و كنا ف يوم م الايام اصحاب"

و فى اليوم التالى ذهب على للكليه لكنه وصل متأخر

و لم يدخل للمحاضره

و عندما انتهت المحاضره اراد ان يذهب لفاطمه و كريستين ليكلمهما

لكنه فوجىء ب فاطمه تسرع و تختفى من امام عينيه.

انتظر اكثر من ساعه و اتصل ب كريستين..

__________________

على:- عاجبك كده؟

هو لا تليفون ولا كلام كمان؟

كريستين:- انا اللى كنت عايزه امشى.

على:- انتى ماشوفتيش عملت ايه ف الكورس.

ده انا با امد ايدى اسلم عليها قالتلى باى و جرت.

ع العموم هى اللى اختارت. وهعتبرها كانت حلم

__________________

و بكده تنتهى الحلقه ال 27 و الاخيره من القصه

بوجه عام

ايه تقييمكم للقصه ؟؟

سمعونا بقى التصفيق و التصفير و التهليل.........

اشوفكوا على خير ف قصه تانيه ان شاء الله ان عشنا و كان لينا عمر ان شاء الله.

باااااااااااى

الحب وسنينه والنهاية غير المتوقعة - صفحة 8 The-end

الحب وسنينه والنهاية غير المتوقعة - صفحة 8 The-end

ليه بس ياعماد النهايه الحزينه ديه

بجد انا اضايقت اوى لانه النهايه مش كانت متوقعه اصلا

انتهت القصة

والان جاء وقت الاعلان عن التوبيك الذى طااااااااااااااااااال انتظاره

عن العمل المشترك

بين اربعة اعضاء من انشط الاعضاء فى المنتدى

الموضوع

هو

؟؟؟

؟؟؟

؟؟؟

؟

(اساطير الحب)
؟

بالتعاون بين كل من

1/ صاحبة الاداء الراقى كوكى

2/ الادارى الانشط على لاطلاق صاحب المواضيع الحصرية صاصا

3/ ملك الشغب والايقافات صاحب حملة عينك امانه محمود ابراهيم

4/ العبد لله ديكو

انتطروااااااااااااااااااااااااااااااااااااااااااااااااااااااااااااانا

cheers

اجمل بنوتة كتب:: ليه بس ياعماد النهايه الحزينه ديه

بجد انا اضايقت اوى لانه النهايه مش كانت متوقعه اصلا

للاسف هى دى النهايi يا بنوته
وفعلا نهاية غير متوقعة ومحدش فيكم توقعها فى التصويت اللى عملته

على العموم ميرسى ليكى على اهتمامك بالقصة
ثانيا انتطرى الموضوع القااااااااااااااادم
اساطير الحب

هيعجبك جدا جدا جدا

مع تحياتى
deco

تمام يا ديكو بس اساطير الحب دى قصة ولا ايه ؟؟؟؟

الزعيم كتب:: تمام يا ديكو بس اساطير الحب دى قصة ولا ايه ؟؟؟؟

ميرسى يازعيم
اساطير الحب ده هتعرف هو ايه قريبا

انا انحنيلك تقديرآ للقصه الجميله دى ياقلبى وبجد نهايه حزينه جدآ بس حلوه وانا كنت متوقعاها وانت عارف

وبالنسبه لأساطير الحب ده مفأجأة بقا

snowwhite كتب:: انا انحنيلك تقديرآ للقصه الجميله دى ياقلبى وبجد نهايه حزينه جدآ بس حلوه وانا كنت متوقعاها وانت عارف

وبالنسبه لأساطير الحب ده مفأجأة بقا

بجد انا اللى مش عارف اقول ايه على ردك الجميل ده ياقلبى انتى توقعتى بس بينى وبينك

واساطير الحب طبعا منتظر تعااااونك معايا وانا عارف انى فجأتك بس انتى هتقدمى ليه حاجة تحفة كعادتك

طيب سؤال بس يا عمدة هى عملت لية كدا مش فاهم برضوا بس نهاية يا سااااااااتر عليها غلبت الهندى

sasa كتب:

طيب سؤال بس يا عمدة هى عملت لية كدا مش فاهم برضوا بس نهاية يا سااااااااتر عليها غلبت الهندى

اولا شكرا لمتابعتك ياصاصا
ثانيا فاطمة عملت كده لانها تقريبا اصبحت مريضه نفسيا لانها دخلت المستشفى وتعبت كتيييييييييييير ومش عارفة تنس حبها الاول
ثالثا النهاية كان لازم تكون مفجأه زى ما وعدتكم

رابعا منتظرك فى اساطير الحب

cheers

nice story teslam ya deco Crying or Very sad

ميرسى يا اوشه ونورتى ياقمر

انت عارف انا مين الاول ولا لا انا
.....
.....
.....
.....
((((((((((((000*نـــــــــــــــــدي 000)))))))))

فالمسرحيه مش فالحقيقه Very Happy

osha كتب:: انت عارف انا مين الاول ولا لا انا
.....
.....
.....
.....
((((((((((((000*نـــــــــــــــــدي 000)))))))))

فالمسرحيه مش فالحقيقه

ههههههههههههههههه

والله عارف يانجمه
انا اتعرفت عليكى اصلا قبل المسرحية وعارفك من يوم مادخلتى المنتدى

cheers

ماثي ياديكو

» الإنسان قبل (~الحب~) وبعد (~الحب~) وعند (~الحب~)‏
» الإنسان قبل الحب شيء... وعنـد الحب كل شيء... وبعـد الحب لا شيء !!
» ليس من يتكلم عن الحب ... كمن يتألم من الحب.‏
» هذا هو الحب
» تاج الحب